USD 446.33
EUR 485.56
RUB 5.04
Украинадағы қиын жағдайға байланысты Президенттік сайлау Киевте ұйымдастырылған жоқ. Сондықтан Қазақстанның осы елдегі елшілік қызметкерлері азаматтық борышын өтеу үшін бүгін Варшава қаласына қарай жолға шықты, деп хабарлайды «Хабар 24».
Киевтен Варшава қаласына дейін жол жүру ұзақтығы он екі сағаттан асады. Ал жұма күні Львов қаласында Батыс Украинадағы 8 аймақты қамтитын Құрметті консулдығының көшпелі қабылдауы өтті. Онда оннан астам мемлекеттік қызмет түрлері көрсетіліп, Украинадағы Қазақстан азаматтарының түрлі құжат қиындықтары бойынша сұрақтары қарастырылды. Ал бүгін Львов қаласындағы коменданттық уақыт аяқталғаннан кейін елшілік қызметкерлері көлікпен Польшаға қарай аттанды.
Болат Каткенов, Украинадағы Қазақстан елшілігінің консулы:
– Украинадағы жағдайға байланысты Киев қаласында сайлау учаскесі ашылған жоқ. Осыған орай Дархан Қалетаев бастаған он шақты елшілік қызметкері автокөлікпен Польшаға аттанды. Біз таңғы 6-да Львов қаласынан Польшаға қарай шықтық. Ертең азаматтық борышымызды атқарып, дауыс беріп, Украинаға қайтамыз.
