«Ақ жол» партиясынан кандидаттар үгіт-насихат жұмыстарын жалғастыруда. Бүгін олар Теміртау қаласының кәсіпкерлерімен кездесіп сайлауалды тұғырнамасын таныстырды.
Жиында экономикалық мәселелер, шағын және орта бизнестің даму қарқыны айтылды. Өңірдің индустриялық әлеуеті зор деді Ақ жол партиясының Төрағасы Азат Перуашев. Кездесу ашық диалог форматында өтті. Кандидаттар кәсіпкерлердің ұсыныстарын тыңдап, барлық сұрақтарына жауап берді.
Азат Перуашев, «Ақ жол» партиясының төрағасы:
- Міне бүгін Қарағанды облысында жұмыс істеп келе жатырмыз. Осы Теміртау қаласына келіп, мұндағы ерекшелігі бұл жерде тек мынадай ірі өндірушілермен қатар шағын және орта бизнес дамыған екен. Біз шағын және орта бизнестің өкілдерімен кездестік, проблемалар айтылды.
