Respublica партиясы өкілдері Шымкент жастарымен кездесті! Өз бағыт-бағдарларын, мақсат-міндеттерін түсіндіріп, саяси науқанның маңызы жайында сөз қозғады.

Кездесуге келген студенттер, жас кәсіпкерлер, жас спортшылар көкейде жүрген түрлі сұрақтарын қоя отыра, өздерінің ұсыныс-тілектерін жеткізді. Басқосуға 700-ден аса адам жиналды. Кейін партия өкілдері Шымкент қаласындағы металлургиялық зауыттарға барып, еңбек ұжымдарымен жүздесті. Олардың мүмкіндіктерімен танысып, жұмыс барысына куә болды. 120-дан астам металлург партияның сайлауалды бағдарламасымен танысып, өз ұсыныстарын айтты. Ал партия өкілдері мұндай өндіріс ошақтарының маңыздылығына тоқталып, ұжымдарға сәттілік тіледі.