Бүгін Астанада “С5+1” форматындағы Орталық Азия елдері мен АҚШ сыртқы саяси ведомстволары басшыларының кездесуі өтті.

АҚШ-тың мемлекеттік хатшысы Энтони Блинкеннің қатысуымен өткен жиында аймақтағы алыс-беріс, сауда логистикасының жаңа жолдары, экономика мен экология мәселелері талқыланды. Халықаралық кездесуде сөз алған еліміздің сыртқы істер министрі аймақта сауда-саттықтың балама жолдарын дамытуға баса мән беріліп жатқанын атап өтті. Осы ретте Мұхтар Тілеуберді “С5+1” жиынына қатысушыларды маусымның 8-і мен 9-ы аралығында өтетін Астана халықаралық форумына шақырды. Жалпы, C5+1  платформасы аймаққа инвестиция құю, жеке секторды дамыту, су ресурстарын басқару, техникалық дағдыларды жетілдіру сияқты бағыттарда Американың озық технологиясын игеруге жағдай жасайды.