Қ.Тоқаев Түркия президентін құттықтады

Қасым-Жомарт Тоқаев Режеп Тайип Ердоғанды президент сайлауында жеткен жеңісімен құттықтады, деп хабарлайды «Хабар 24».

Мемлекет басшысы әріптесімен телефон арқылы сөйлесіп, бұл жеңіс елінің дамуына қосқан үлесі мен қоғамдағы биік беделінің жемісі екенін атап өтті. Сондай-ақ елдеріміз арасындағы кеңейтілген стратегиялық серіктестікті одан әрі дамытуға дайын екенін жеткізді. Орайы келгенде, күзде Түркістанда өтетін Түркі мемлекеттері ұйымының Х мерейтойлық саммитіне қатысуға шақырды. Өз кезегінде Түркия президенті Мемлекет басшысына алғысын білдіріп, Қазақстан халқының өркендей беруіне тілектестігін жеткізді.