Абай атындағы мемлекеттік сыйлық лауреаттығына үміткерлер анықталды
Абай атындағы әдебиет пен өнер саласындағы мемлекеттік сыйлық лауреаттығына үміткерлер анықталды.
Мемлекеттік кеңесші Ерлан Қариннің төрағалығымен арнайы комиссияның қорытынды отырысы өткізілді. Отандық шығармашыл зиялы қауымнан құрылған комиссия мүшелерімен әдебиет, кино, театр, музыка, сәулет және бейнелеу өнері салалары бойынша аталған Мемлекеттік сыйлықтың екінші кезеңіне өткен 21 жұмыс қаралды. Үміткерлерді Комиссия жасырын дауыс беру арқылы анықтады. Олар Мемлекет басшысының қарауына ұсынылатын болады. Мемлекеттік сыйлық лауреаттарын марапаттау Республика күні қарсаңында өтеді.