СNN журналисі: Қазақстан Президенті күрделі жағдайда шебер тепе-теңдік сақтап отыр
Қазақстан Президенті күрделі кезеңде алпауыт елдердің арасында шебер тепе-теңдік сақтап отыр. Доха форумының панельдік сессиясында Қасым-Жомарт Тоқаевтан сұхбат алған СNN журналисі Джулия Чаттерлей арнамызға алған әсерімен бөлісті. Ол Мемлекет басшысының ойларына тәнті болғанын жеткізіп, көшбасшылық қасиеті жөнінде жылы лебізін білдірді. Сондай-ақ АҚШ-тың сайланған президентімен әңгімелесіп үлгергенін еске салды. Тараптар әлем саясаты мен экономикасына қатысты маңызды мәселелер талқылағанын және осы бағыттағы Президенттің ұстанымын жоғары бағалады.
Джулия Чаттерлей, СNN журналисі:
- Қазақстан Ресей, Қытай және Батыс елдері арасындағы күрделі кезеңде шебер тепе-теңдік сақтап отыр. Жастар туралы айтқан пікірі ұнады. Ол өз ойларын ашық айтып, кездесетін қиындықтарды мойындайтынын байқадым. Оның орнында болу оңай емес. Халық одан үлкен үміт күтеді.