Хоккей: Қазақстан әйелдер құрамасы Словакияға жол тартады

Шайбалы хоккейден Қазақстан әйелдер құрамасы 12-15 желтоқсан аралығында 2026 жылғы Олимпиада ойындарына іріктеу кезеңіне қатысады, деп хабарлайды 24kz.

Жерлестеріміз үшінші іріктеу кезеңін D тобында өткізеді. Қазір олар Австрияның Берг қаласында оқу-жаттығу жиындарында жүр. Ал ертең Словакияның Пьештяни қаласына жол тартады. Онда бұрымдыларымыз Словакия, Исландия және Словениямен ойнайды. Жарыстың келесі сатысына тек бір құрама жолдама алады.