385,16 427,30 5.91
+7 (7172) 757 485 24kz@khabar.kz
ҚАЗ


Б.Сағынтаев триатлоннан Қазақстанның ашық чемпионатының қатысушыларына медальдар табыстады

  • 495
  • UPD: 19:13, 30.07.2017
Б.Сағынтаев триатлоннан Қазақстанның ашық чемпионатының қатысушыларына медальдар табыстады

Қазақстан Республикасының Премьер-Министрі Бақытжан Сағынтаев триатлоннан Қазақстанның ашық чемпионатының қатысушыларына медальдарды табыстады.

Бұл чемпионат Қазақстанда триатлоннан өткен алғашқы ауқымды іс-шара болды. Триатлон, мультиспорттық жарыс ретінде қоғамда дұрыс трендтердің қалыптасуына – саламатты өмір салтын дәріптеуге септігін тигізеді.  

200-ге жуық кәсіпқой мен спортсүйер қауым «Жартылай темір» қашықтықта үш кезеңнен тұратын жарысқа қатысты:  

1,9 шақырым жүзу, 90 шақырым веложарыс, 21 шақырым жүгіру.

Бақытжан Сағынтаев Олимпиада чемпионы, «Астана» велокомандасының бас менеджері Александр Винокуровқа, Қазақстан триатлон федерациясының вице-президенті, BI Group холдингінің басшысы Айдын Рахымбаевқа, сондай-ақ қашықтықты бағындырған алғашқы әйел қатысушы Нағима Керімбаеваға медальдарды табыстады.  

Бұл сайыс Халықаралық «ЭКСПО-2017» мамандандырылған көрмесінің Мәдени-ойын-сауық және спорттық іс-шараларының кешенді жоспарының бір бөлігі болды.      

Еске салсақ, бұған дейін ҚР ҰҚК төрағасы және Триатлон федерациясының президенті Кәрім Мәсімов келесі жылы Астанада Ironman аясында сайыстар өткізілетінін хабарлаған болатын. World Triathlon Corporation ұйымымен Астанада Ironman сериясының стартаптарын өткізу туралы келісім жасалған.

Ақпарат көзі: primeminister.kz 

Хабар 24 телеарнасы