384,59 430.70 6.11
+7 (7172) 757 485 24kz@khabar.kz
ҚАЗ


МакГрегор Мейвезермен өтетін кездесуден қанша пайда табатынын айтты

  • 458
  • UPD: 11:47, 15.08.2017
МакГрегор Мейвезермен өтетін кездесуден қанша пайда табатынын айтты vesti.kz

Жекпе-жек 26 тамыз күні АҚШ-тың Лас-Вегас қаласында өтеді.

Жеңіл салмақта UFC чемпионы ирландиялық Конор МакГрегор бес салмақ бойынша бокстан әлемнің бұрынғы чемпионы америкалық кіші Флойд Мейвезермен өтетін кездесуден қанша пайда табатынын ашық айтты.

Бұл туралы vesti.kz хабарлады.

«Бұл кездесуден мен 100 миллион доллар пайда табамын. Бұл шындық. Егер біздің жекпе-жектің көрсеткіші Мейвезер мен Пакьяо кездесуінің көрсеткішінен асып түсетін болса, онда маған 100 миллион доллардан да көп кіріс кіреді», дейді МакГрегор.

Айта кетейік, аталған жекпе-жек үшін Мейвезердің өзі 300 миллион доллар табыс табатынын айтқан болатын.

Еске салайық, МакГрегор мен Мейвезер арасындағы кездесу 26 тамыз күні Лас-Вегастағы T-Mobile Arena спорт кешенінде бокс ережесі бойынша өтеді. Бұл жекпе-жектің ұйымдастырушылары кездесуден 500 миллион доллар табамыз деп жоспарлап отыр. АҚШ жерінде кездесуді Showtime арнасы ақылы жүйе (PPV) бойынша көрсетеді.

Хабар 24 телеарнасы