384,85 431.47 6.11
+7 (7172) 757 485 24kz@khabar.kz
ҚАЗ


Икер Касильяс спорттық мансабындағы мыңыншы матчын өткізді

  • 398
  • UPD: 22:53, 03.04.2018
Икер Касильяс спорттық мансабындағы мыңыншы матчын өткізді Фото: Спортбокс

Португалия премьер-лигасының 28-туры аясында өткен «Белененсеш» - «Порту» кездесуі 2:0 есебімен алаң иелерінің пайдасына шешілді.

Бұл туралы Prosports.kz сайты хабарлады.

Дәл осы ойында негізгі құрамда шыққан қонақтардың қақпашысы Икер Касильяс өзінің спорттың мансабындағы 1000-шы кездесуін өткізді.

36 жастағы испаниялық аңыз қақпашы бұл 1000 матчтың 725-ін өзінің туған командасы «Реал Мадрид» сапында өткізді. Клубтық деңгейде бар болғаны екі командада ғана ойнаған Икер «Порту» жейдесінде 108 ойынға қатысты. Ал Испания құрамасы үшін 167 кездесуде алаңға шықты.

Касильяс – спорттық мансабында 1000 ойын өткізген екінші испаниялық. Икерден бұрын бұл биікке Рауль Гонсалес жеткен болатын. Касильястің бұрынғы командаласы, «Реал Мадрид» пен Испания құрамасының аңызы Рауль футболшылық мансабында 1033 матч өткізген екен.

Хабар 24 телеарнасы