374,05 425.15 5.62
+7 (7172) 757 485 24kz@khabar.kz
ҚАЗ

Мбаппе әлем чемпионатындағы сыйақысын қайырымдылыққа берді

  • 262
  • UPD: 12:54, 17.07.2018
Мбаппе әлем чемпионатындағы сыйақысын қайырымдылыққа берді Еженедельник Футбол

Футболдан 2018 жылғы әлем чемпионаты жұртты сүйсіндірген қайырымдылық оқиғаларымен де есте қалып отыр.

Франция құрамасының ойыншысы Килиан Мбаппе турнирдегі ойыны үшін өзіне тиесілі сыйақыдан бас тартты. Бұл туралы Twitter-дегі FourFourTweet аккаунты L'Equipe басылымына сілтеме жасап хабарлады.

2018 жылғы әлем чемпионатының үздік жас футболшысы атанған Мбаппе ұлттық құрама сапында мундиальдағы жеңісі үшін берілетін сыйақының барлығын қайырымдылыққа бағыттамақ. Атап өтілгендей, 550 мың доллар көлеміндегі қаражат мүгедек балалардың қажеттілігіне жұмсалатын болды.

Еске салайық, 15 шілде күні Франция құрамасы финалдық кездесуде Хорватиядан 4:2 есебімен басым түсіп, екі дүркін әлем чемпионы атанған болатын. Төртінші голды Мбаппе соқты. Бұған дейін хабарлағанымыздай, ФИФА Франция футбол федерациясына осы турнирдегі жеңісі үшін 38 млн доллар сыйақы береді.

Ақпарат көзі: sport.inform.kz

Осы категория бойынша: « АІВА Рио Олимпиадасында төрелік еткен 36 рефериді қызметінен қуды Президент кубогына 100-ден аса теннисші қатысуда »
Серіктестер жаңалықтары
Хабар 24 телеарнасы