360,86 420.50 5.54
+7 (7172) 757 485 24kz@khabar.kz
ҚАЗ

Роза Абитова көркем гимнастикадан аралас командалық сында күміс жүлде жеңіп алды

  • 435
  • UPD: 12:34, 11.10.2018
Роза Абитова көркем гимнастикадан аралас командалық сында күміс жүлде жеңіп алды olympic.kz

Буэнос-Айресте көркем гимнастикадан іріктеу кезеңі аяқталды.

Өкінішке қарай, қазақстандық Роза Абитова финалдан сырт қалды деп жазады Olympic.kz.

Ақтық сынға өткен сегіз гимнасттың қатарына ену үшін Розаға 0,50 ұпай жетпей қалды. Десе де, Роза күтпеген жерден күміс жүлдегер атанды.

Ұйымдастырушылар спортшыларды сырттай командаларға бөліп, халықаралық құрам жасақтаған. Роза енген команда ұпай саны бойынша екінші орыннан көрінді.

«Роза финалға өткен жоқ. Небары 0,50 ұпай жетпей қалды. Бірақ біздің спортшы үшін бұл үлкен мүмкіндік әрі тәжірибе болды. Әрі қарай шыңдалуына серпін беретін жарыс екені сөзсіз. Ал ұйымдастырушылар күтпеген жерден тосынсый жасап, балалардың барлығына медаль үлестіруге тырысты. Розаның командасы күміс жүлдегер атанды», - дейді көркем гимнастикадан Қазақстан командасының бапкері Лола Әділханова.

Хабар 24 телеарнасы