377,65 427.65 5.89
+7 (7172) 757 485 24kz@khabar.kz
ҚАЗ

Сыр спортшыларына пәтер кілттері табысталды

  • 413
Сыр спортшыларына пәтер кілттері табысталды

Жеті қазынаның біріне баланған ит жылы Сыр спортшылары әлемдік, құрлықтық және елішілік жарыстарда мың жарым медаль олжалапты.

Бұл көрсеткіш өткен жылғы жетістіктермен салыстырғанда, 700-ге артық. Осы ретте облыс әкімі Қырымбек Көшербаев парадзюдодан әлем чемпионы Олжас Оразалыұлы мен байдарка және каноэде есуден жасөспірімдер олимпиадасының жеңімпазы Диас Бахраддинге пәтер сыйлады. Жаһандық бәсекелерде аймақ мерейін үстем еткен өзге де спортшыларға 3, 1 және жарты миллион теңгенің сертификаттары табысталды. Жалпы өңірде спорт саласын қолдау жылдан жылға артып келеді. 2018 жылы 7 елді мекенде спорт кешендері қолданысқа берілді.

Олжас Оразалыұлы, парадзюдодан әлем чемпионы:

– Бұл дәрежеге тыңғылықты жаттығу арқылы және де бапкерлердің арқасында жеттім деп ойлаймын. Көңіл-күй жақсы. Енді алға қарай тер төгіп, Олимпиада чемпионы болу – міндет.

Диас Бахраддин, жасөспірімдер Олимпиада ойындарының чемпионы:

– Ит жылында қазынам көп болды. Олимпиада ойындарының және Барселона қаласында Олимпиада лицензиясын ұтып алдым. Менің жоспарым – үлкендер Олимпиадасын жеңу.

Хабар 24 телеарнасы