379.54 427.25 5.93
+7 (7172) 757 485 24kz@khabar.kz
ҚАЗ


Маман Фируза Шарипова командасының қателігін ашық айтты

  • 86
  • UPD: 17:23, 05.04.2019
Маман Фируза Шарипова командасының қателігін ашық айтты BNews.kz

Ол кәсіпқой бокс мемлекетке тәуелді еместігін айтады.

Қазақстанның кәсіпқой бокс федерациясының вице-президенті Виктор Демьяненко Vesti.kz-ке берген сұхбатында Фируза Шарипованың командасы жекпе-жек өткізу үшін мемелекеттен қаржы сұрамауы тиіс екенін айтады.

Боксшы қыз Ева Вальстреммен жұдырықтсуға спонсорлық көмек сұрап, әкімдіктер, министрлік пен Қазақстан президентіне де өтініш жазғанын, алайда, ешқандай көмек болмай отырғанын айтқан еді. Ал Қазақстанның мәдениет және спорт министрлігі 2018 жылы Шариповаға жекпе-жек өткізуге 74 842 650 теңге бөлінгенін мәлімдеді.

«Бұл мәселеге араласқым келмейді, бірақ, бірдеңені нақты айта аламын. Кәсіпқой боксшылар мемелекеттен қолдау сұрамауы тиіс. Ол бюджет қаржысы және салық төлеушілерге тиесілі. Мұндай жағдайда Шарипованың командасы демеушілер мен меценаттар іздеу керек. Оларда жақсы өнім бар - Фируза. Оны танымал етіп, ілгерлету қажет. Мемелекеттен көмек сұрау - бұл промоутердің сауатсыздығы. Мемлекет оларға көмектесуге міндетті емес. Кәсіпқой бокс мемлекетке тәуелді емес. Ресейде қанша бокс кеші өтетін қараңыз. Ол мемлекеттік бюджеттен қаржыландырмайды. Меценаттар мен демеушілер қатысады. Бізде бұл онша дамымаған. Міне сондықтан боксшылар АҚШ пен Канадаға барып жатыр. Онда өзіңді көрсетуге мүмкіндік бар», - дейді Демьяненко.

Айта кетейік, 3 сәуірде Шарипова Халықаралық бокс ұйымының (IBO) чемпиондығынан және WBC Silver белбеуінен айырылғаны белгілі болды. Қазіргі таңда қазақстандық спортшыда жеңіл салмақтағы WIBA титулы ғана қалды.

Хабар 24 телеарнасы