379.54 427.25 5.93
+7 (7172) 757 485 24kz@khabar.kz
ҚАЗ


«Ұйымдастырамын, қолымнан келеді». Оскар Де Ла Хойя «Канело» Головкин трилогиясы туралы

  • 128
  • UPD: 10:40, 15.04.2019
«Ұйымдастырамын, қолымнан келеді». Оскар Де Ла Хойя «Канело» Головкин трилогиясы туралы vesti.kz

Golden Boy Promotions компаниясының негізін қалаушы және орта салмақта WBC, WBA (Super) чемпионы Сауль «Канело» Альварестің (51-1-2, 35 КО) ісін жүргізетін Оскар Де Ла Хойя қазақстандық Геннадий Головкинмен (38-1-1, 34 КО) үшінші жекпе-жек ұйымдастыру жайлы ойын айтты.

Боксшылар Лас-Вегастағы T-Mobile аренасында екі рет жұдырықтасқан: 2017 жылы қыркүйекте тең аяқталды, ал бір жыл өте Альварес төрешілер шешімімен жеңді. Осылайша, Головкин карьерасында алғаш рет жеңіліп, WBC, WBA (Super) және IBO белбеулерінен айрылды.

Биыл наурызда Головкин DAZN стриминг қызметімен үш жылдық келісімшартқа отырды, Альварес бұл телесеріктеспен былтырдан бері келісімде. Де Ла Хойяның сөзінше, бұл жағдай трилогия ұйымдастыруды жеңілдете түсті.

«DAZN-де ең мықты боксшылар жиналған. Бокс туралы сөз болғанда көпшілік ойына бірден «Канело», Головкин және Энтони Джошуа келеді. Головкин DAZN-мен келісімге келгендіктен, «Канеломен» үшінші жекпе-жек ұйымдастыру жеңіл болады. Өз тарапымнан, бокстың үлкен жанкүйері ретінде, трилогияға дайын екенімді, ұйымдастырғым келеді және өткізе аламын дегім келеді», - дейді промоутер.

Ақпарат көзі: vesti.kz

Хабар 24 телеарнасы