379.36 421.60 5.87
+7 (7172) 757 485 24kz@khabar.kz
ҚАЗ


В.Худяков Азия чемпионатында жүзуден екінші алтын медальді жеңіп алды

  • 267
  • UPD: 20:53, 21.04.2019
В.Худяков Азия чемпионатында жүзуден екінші алтын медальді жеңіп алды

Қазақстандық Виталий Худяков ашық суда өтіп жатқан Азия чемпионатында екінші рет жеңіске жетті деп хабарлайды Olympic.kz.

 Кувейттегі сары құрлық додасында ол 10 шақырымға жүзуден топ жарды. Сондай-ақ тағы бір қазақстандық спортшы Лев Черепанов үшінші орын иеленді. 

«Кувейттегі жарыс оңай болған жоқ. Күн ыстық, толқынның екпіні тым қатты. Бір ауыз сөзбен айтқанда, су спортшылар үшін өте ауыр. Мұндай жағдайда спортшылардың нәтижесі аздап төмендейді. Десе де, бәрі бірдей жағдайда жүзген соң Виталийдің жеңісіне ешкімнің күмәні жоқ. Ол өз міндетін артығымен орындап шықты. Ал үшінші орын иеленген Лев Черепанов әлі жас. Ол чемпионатта топ жарған Худяковтан бір минуттан аз уақытқа қалып қойды. Черепановтың әлі талай жеңіске жетеріне сенімдіміз», - дейді ашық суда жүзуден Қазақстан командасының бас бапкері Николай Загриценко. 

Айта кетелік, су спорты түрлерінен Азия федерациясы құрлық чемпионатын лицензиялық санаттағы турнирлер қатарына қосты. Жарыс барысында Олимпиаданың екі лицензиясы сарапқа салынды.

Олимпиада бағдарламасына енетін 10 шақырымдық жарыста жеңіске жеткен ерлер мен әйелдер аталған лицензияға иелік еткен болатын. 

Ал осыған дейін Виталий Худяков 5 шақырымға жүзуден Азия чемпионы атанғанын естеріңізге саламыз.

Хабар 24 телеарнасы