378.89 422.90 5.88
+7 (7172) 757 485 24kz@khabar.kz
ҚАЗ


«Канелоның» промоутері үшінші жекпе-жек үшін Головкинге шарт қойды

  • 194
«Канелоның» промоутері үшінші жекпе-жек үшін Головкинге шарт қойды vesti.kz

Геннадий Головкин (38-1-1, 34 КО) Сауль Альвареспен (51-1-2, 34 КО) үшінші рет жекпе-жекке шығу үшін әлем чемпионымен жұдырықтасуы керек.

Бұл шартты мексикалық спортшының ісін жүргізетін Оскар Де Ла Хойя қойды, - деп хабарлайды Vesti.kz.

«Головкин қыркүйекте «Канеломен» жұдырықтасады деген жалған. Мен Альвареспен жүз пайыз келісемін, Головкин қайтадан көтерілуі тиіс. «Канело» чемпион, енді оның таңдауы көп, ол 168 фунтқа, тіпті 175 фунтқа дейін көтеріліп, тарих жасай алады. GGG «Канеломен» жұдырықтасқысы келсе, оған әлем чемпионымен жекпе-жекке шығу керек», – деп жазады BoxingNews24 тілшісі Де Ла Хойя сөзін келтіріп.

Головкин 2018 жылдың қыркүйегінде өткен соңғы жекпе-жегінде «Канелодан» жеңіліп, орта салмақтағы WBC, WBA (Super) және IBO чемпиондық атағын жоғалтқан. Бұл GGG карьерасындағы бірінші жеңіліс болды.

Енді екі боксшы да DAZN-да шығып жүр және БАҚ өкілдері олардың үшінші кездесуі 2019 жылдың қыркүйегінде өтетінін хабарлаған. Алайда, «Канелоның» өзі үшінші жекпе-жекке келісімшарт болмағанын мәлімдеді, сонымен қатар, GGG WBO нұсқасы бойынша әлем чемпионы атанса, ол қазақстандықпен кездесуге дайын екенін мәлімдеді. Себебі оның мақсаты – орта салмақта абсолют әлем чемпионы болу.

Енді Геннадий Головкин рингке 8 маусымда оралады. Ол Нью-Йорктегі Madison Square Garden аренасында жеңіліп көрмеген канадалық Стивен Роллспен кездеседі. Жекпе-жек 164 фунтқа дейінгі аралық салмақта өтеді.

Хабар 24 телеарнасы