389,86 435,60 6.11
+7 (7172) 757 485 24kz@khabar.kz
ҚАЗ


Қанат Ислам не үшін Головкиннің салмағына өткенін айтты

  • 904
Қанат Ислам не үшін Головкиннің салмағына өткенін айтты Stan.kz

Қазақстандық боксшы Қанат Ислам (25-0-0, 20 КО) орта салмақта WBO Inter-Continental белбеуі үшін 36 жастағы доминиканалық Хулио де Хесуспен (28-1, 27 КО) жекпе-жекке дайындық туралы айта отырып, бұл дивизионға үлкен мақсаттармен келгенін мәлімдеді, деп хабарлайды Vesti.kz.

«Білсеңіздер, өмірде түрлі жағдай болады. Жарақаттан ұзақ сауықтым. Қазір жекпе-жектерге дайынмын.

Қарсыласымды құрметтеймін және жекпе-жекке дайынмын. Бұрын 69 келіде өнер көрсеткенмін. Ал «Астана арландарында» жүргенімде орта салмақта жұдырықтастым. Бұл салмақта жұдырықтасуға дайынмын.

Қазір өзімді жайлы сезінемін. Бұл дивизиондағы бәсекеге дайынмын. Жақсы дайындық пен биік рухтың арқасында. Бастысы, алға ғана жүріп, мақсаттарға жету.

Бұл бәсекесі жоғары салмаққа үлкен жекпе-жектер үшін келдік. Чемпион болуға дайынмын! Эгис Климаспен осы мәселе бойынша жұмыс істеп жатырмыз. Ол қазір Қазақстанда және бокс кешіне келуі керек. Онымен жұмыс істеп, биік шыңдарға жетеміз», –  дейді Ислам.

Еске салайық, Қанат Исламның бокс кеші 5 шілде Балуан Шолақ атындағы спорт сарайында өтеді. Бұл шоудың андеркартында Мадияр Әшкеев, Руслан Мырсатаев және басқа да қазақстандық боксшылар жұдырықтасады.

Хабар 24 телеарнасы