386,83 431,60 5.87
+7 (7172) 757 485 24kz@khabar.kz
ҚАЗ


«Ювентус» 19 жастағы футболшыны 75 миллион еуроға сатып алды

  • 292
«Ювентус» 19 жастағы футболшыны 75 миллион еуроға сатып алды

Туриндік «Ювентус» ресми сайтында голландиялық «Аякс» қорғаушысы Маттейс де Лигті сатып алғанын жариялады, деп хабарлайды Vesti.kz.

19 жастағы футболшы бес жылдық (2024 жыл 30 маусымға дейін) келісімшартқа отырды. БАҚ мәліметінше, голландиялық футболшы Италия біріншілігіндегі ең жоғары жалақы алатын (12 миллион еуро) қорғаушы болады.

Туриндік клуб жас футболшыны сатып алу үшін 75 миллион еуроға шығындалады. Олар бұл қаражатты бес жыл бойы төлеп отырады. Бұл сома бонустар есебін қосқанда тағы 10,5 миллион еуроға ұлғаюы мүмкін.

Осыған дейін амстердамдық «Аякс» клубының қорғаушысы болған де Лигт каталониялық «Барселонаның» ұсынысын қабыл алмағаны айтылған еді.

Де Лигт 2018/2019 маусымын голландиялық клубтың капитаны ретінде өткізді. Чемпиондар лигасында «Аякс» жартылай финалға дейін жетті. Де Лигт 17 ойынға қатысып, үш гол салды.

Нидерланд құрамасының сапында ол 15 ойын өткізіп, бір гол салған. 2018 жылы желтоқсанда ол Еуропадағы жас футболшыға берілетін Golden Boy пермиясын жеңіп алды.

Хабар 24 телеарнасы