389,86 435,60 6.11
+7 (7172) 757 485 24kz@khabar.kz
ҚАЗ


БАҚ өкілдері арасында ҚР президенті жүлдесіне шағын футболдан турнир өтеді

  • 253
  • UPD: 08:06, 18.08.2019
БАҚ өкілдері арасында ҚР президенті жүлдесіне шағын футболдан турнир өтеді

ҚР Конституция күніне орай тұңғыш рет БАҚ өкілдері арасында Қазақстан Республикасы Президентінің жүлдесі үшін шағын футболдан республикалық турнир өтеді, деп хабарлайды Қазақстан президентінің баспасөз хатшысы Берік Уәли.

«Құрметті журналистер, БАҚ өкілдері! 2019 жылдың 30 тамызында Нұр-Сұлтан қаласындағы «Астана Арена» стадионында ҚР Конституция күніне орай тұңғыш рет БАҚ өкілдері арасында Қазақстан Республикасы Президентінің жүлдесі үшін шағын футболдан республикалық турнир өтеді»,  деп жазды Берік Уәли Facebook-тегі парақшасында.

Уәлиевтің айтуынша, турнир мақсаты – БАҚ қызметкерлері арасында салауатты өмір салтын насихаттау, әріптестік және достық қарым-қатынасты нығайту. Жарысты ҚР Президентінің баспасөз қызметі ұйымдастырады. Турнирге еліміздің БАҚ өкілдерінен құралған шығармашылық топ командалары қатыса алады. Қатысатын барлық команда саны 32. Өтініш қабылдау мерзімі 27 тамызға дейін. Жеңімпаз және жүлдегер командалар, сондай-ақ арнайы номинациялар бойынша үздік атанған ойыншылар үшін қаржылай сыйлық бар.

Хабар 24 телеарнасы