424,85 498,70 5.58
+7 (7172) 757 485 24kz@khabar.kz
ҚАЗ


Әлемдегі ең қымбат футболшылардың рейтингі жарияланды

  • 756
  • UPD: 12:55, 08.01.2020
Әлемдегі ең қымбат футболшылардың рейтингі жарияланды eurosport.ru

Шабуылшылар Лионель Месси мен Криштиану Роналду рейтингте өз орындарын жоғалтқан.

CIES Football Observatory зерттеу орталығы әлемдегі ең қымбат футболшылардың жаңа рейтингін жариялады, деп хабарлайды Vesti.kz.

Тізімде көш бастап тұрғаны «Пари Сен-Жермен» әрі Франция құрамасының шабуылшысы Килиан Мбаппе өз орнын сақтап қалды, оның бағасы 265,2 миллион еуроға өскен. Екінші орынға «Манчестер Сити» клубының әрі Ұлыбритания құрамасының сұрмергені Рахим Стерлинг (223,7 миллион еуро) екінші орынға көтерілді. Үздік үштікке «Ливерпуль» клубының және Египет құрамасының вингері (жартылай қорғаушысы) Мохамед Салах (175,1 миллион еуро) жайғасты.

Шабуылшылар Лионель Месси («Барселона») мен Криштиану Роналду («Ювентус») рейтингте позицияларын жоғалтқан. Аргентиналық (125,5 миллион еуро) сегізінші орынға түссе, португалиялық (80,3 миллион еуро) 49-орынға тұрақтаған.

Ең қымбат футболшылар тізімі:

  1. Килиан Мбаппе («Пари Сен-Жермен», Франция) – 265,2 миллион еуро
  2. Рахим Стерлинг («Манчестер Сити», Ұлыбритания) – 223,7
  3. Мохамед Салах («Ливерпуль», Мысыр) – 175,1
  4. Джейдон Санчо («Боруссия» Дортмунд, Ұлыбритания) – 168,9
  5. Садио Мане («Ливерпуль», Сенегал) – 155,6
  6. Гарри Кейн («Тоттенхэм Хотспур», Ұлыбритания) – 150,5
  7. Маркус Рашфорд («Манчестер Юнайтед», Ұлыбритания) – 134,3
  8. Лионель Месси («Барселона», Аргентина) – 125,5
  9. Антуан Гризманн («Барселона», Франция) – 123,6
  10. Лаутаро Мартинес («Интер», Аргентина) – 115,7.
Хабар 24 телеарнасы