420.79 509.00 5.65
+7 (7172) 757 485 24kz@khabar.kz
ҚАЗ

Пакьяо қандай жағдайда Головкинмен жекпе-жек өткізетінін айтты

  • 704
  • UPD: 16:33, 07.08.2020
Пакьяо қандай жағдайда Головкинмен жекпе-жек өткізетінін айтты фото: boxingscene.com

Соңғы кездесу бұл кездесу туралы көп жаңалық шығып кетті.

Сегіз салмақ бойынша әлемнің бұрынғы чемпионы филиппиндік Мэнни Пакьяо (69-7-2, 39 КО) орта салмақтағы IBF және IBO белбеулерінің иегері қазақстандық Геннадий Головкинмен (40-1-1, 35 КО) кездесу туралы айтты.

Филиппинік боксшы Головкинмен кездесу ұйымдастыру мүмкін екенін айтты. Бірақ бір талабы бар екен. Ол қазақстандық боксшымен тек жартылай орта салмақта, яғни 147 фунтта жекпе-жек өткізуге дайын.

Айта кетейік, Головкин орта салмақта, 160 фунтта өнер көрсетеді. Филиппиндік боксшы орта салмақта кездесу мүмкін емес екенін айтты.

«Егер ол 147 фунтта шыққысы келсе, мен дайынмын. Бірақ оның салмағы ауыр болса, мен келіспеймін», - деп келтіреді Пакьяоның сөзін The Manila Times.

«154 фунт? Хммм. Мұны ойлану керек. Алайда, Головкинмен келіссөз болған жоқ», - деді ол.

Еске салайық, Головкин өзінің келесі кездесуін қазан айында өткізеді. Ол польшалық Камиль Шереметаға қарсы белбеуін қорғау керек. Ал Пакьяоның келесі кездесуіне байланысты жаңалық жоқ.

Хабар 24 телеарнасы