426,32 497,47 5.54
+7 (7172) 757 485 24kz@khabar.kz
ҚАЗ


Футзалдан Қазақстан чемпионаты мәресіне жетті

  • 162
  • UPD: 08:54, 23.08.2020
Футзалдан Қазақстан чемпионаты мәресіне жетті

Футзалдан Қазақстан чемпионаты мәресіне жетті, деп хабарлайды Қазақстан футбол федеарциясы.

Бұл шешім федерацияның атқарушы комитетінің отырысында қабылданды. Елімізде санитариялық-эпидемиологиялық карантин шаралары жалғасады. Сондықтан жабық спорт нысандарында жарыс ұйымдастыруға тыйым салынған. Енді футзалдан UEFA Чемпиондар лигасына Алматының «Қайрат» және Ақтөбенің «Ақтөбе» командалары қатысады.

Ресми қабылданған шешімге сәйкес, чемпионат 2020 жылдың 12 наурызындағы турнирлік кестемен аяқталды. Сол уақытта «Қайрат» 44 ұпаймен көш басында келе жатқан болатын. Одан кейінгі орындағы «Ақтөбенің» 36 ұпайы бар еді. Биыл чемпионатқа барлығы 8 команда қатысты. Олардың қатарында «Қайрат» пен «Ақтөбеден» өзге Рудныйдың «Аят», Талдықорғанның «Жетісу», Атыраудың «Атырау», Көкшетаудың «Оқжетпес», Ақтаудың «Каспий» және Батыс Қазақстан облысының «Бәйтерек» клубтары бар.

Хабар 24 телеарнасы