Фристайл-акробатикадан ӘК кезеңі: Қазақстан құрамасы үздік ондыққа ілікті

Ярославль қаласында фристайл-акробатикадан әлем кубогі кезеңінде аралас командалық сайыс бойынша бәсекелер аяқталды. Аталған санат бойынша Қазақстан жетінші болды, деп хабарлайды Olympic.kz.

Аралас командалық бәсекеге Қазақстан сапынан Жанбота Алдабергенова, Ақмаржан Қалмурзаева және Шерзод Хаширбаев қатысты. Қазақстан командасы 239.40 нәтижесімен жетінші орыннан көрінді. Жарыс нәтижесі бойынша ресейлік құрама бірінші және екінші орынға ие болды. Швейцария командасы үздік үштікті қорытындылады.