Болгария астанасы Софияда боксшылар бәсекесі жалғасып жатыр.
Olympic.kz халықаралық «Странджа-2021» жарысындағы қазақстандық спортшылар нәтижесін ұсынды.
75 келіде шаршы алаңға шыққан Райыс Нұрқанат швециялық қарсыласы Чартой Адамнан 3:2 есебімен басым түсіп, келесі айналымға жолдама алды.
Бауыржан Байгөншеков 81 келіде жұдырықтасып, армениялық Гор Нерсеяннан 3:2 есебімен ұтылып қалды. Сондай-ақ Сағындық Тоғамбай (91 кг) да жарыстан шықты. Болгариялық боксшы Радосла Панталеевпен кездесу жеңіліспен аяқталды.
91 келіден жоғарғы салмақта Айболды Дәуренді украиналық Цоне Рогава жарыс жолынан ығыстырды.