Қазақстанның бірінші, әлемнің 23-ракеткасы Елена Рыбакина Дубай WTA 1000 турнирінің екінші айналымына шықты, деп хабарлайды ҚазАқпарат.
Айтулы доданың 14-ракеткасы болып тіркелген қазақстандық теннисші бастапқы кездесуін дүниежүзілік рейтингте 48-орында тұрған қытайлық Чжэн Сайсаймен өткізді.
Бірінші партияда Е.Рыбакина қарсыласына бірде-бір гейм берген жоқ – 6:0.
Екінші сетте де 6:4 есебімен басым түсті.
Бәсеке 1 сағат 15 минутқа созылды.
Е.Рыбакина екінші айналымда әлемнің 31-ракеткасы, Тунис өкілі Онс Жабермен күш сынасады.
Жүлде қоры 1,8 млн АҚШ долларынан асатын жарыс 13 наурыз күні мәреге жетеді.