433,55 515.14 5.60
+7 (7172) 757 485 24kz@khabar.kz
ҚАЗ

Қазақстандық паракаратешілер Ресейден олжалы оралды

  • 136
  • UPD: 17:34, 09.03.2021
Қазақстандық паракаратешілер Ресейден олжалы оралды «Samruk-Kazyna Trust» қоры

Долгопрудный қаласында (Мәскеу облысы) карате мен паракаратеден 11-ші Бүкілресейлік ашық ойындар аяқталды, оған арнайы шақыру бойынша Қазақстаннан жас параспортшылар да қатысты.

Біздің каратэшілердің өнер көрсетуі ең табысты болды, өйткені жасөспірімдер үйлеріне екі алтын және үш қола медаль әкелді.

Қазақстанның атынан 5 спортшы қатысты – Мейіржан Адияров, Диас Қадыр, Ілияс Жақсыбек, Айбек Тұрсынақын және Сұлтан Сағатбек. Балаларда тірек-қимыл аппараты бұзылған. Олардың барлығы «Тең мүмкіндіктер әлемі» ҚҚ іске асырып жатқан «Саламатты болашақ» жобасы аясында бейімделген спорт секцияларына барады.

Мейіржан мен Диас екі алтын, Сұлтан мен Ілияс қола медальға ие болды. Айбек Тұрсынақын ТҚАЗ (тірек-қимыл аппараты зақымданған) Спорттық жекпе-жек федерациясының президенті Сергей Семайкиннен жеке медаль алды.

Бұл ұлдардың өзге елге барып қатысқан алғашқы жарыстары, олар өте мұқият дайындалды, жаттығуға көп сағат жұмсады, күн тәртібін күшейтті.

«Мен жарыстарға достарыммен және сенсеймен бардым. Каратэмен 4 жылдан бері айналысып келемін. Бұрын мен жарыстарға қатыстым, бірақ тек Қазақстанда, сондықтан осы жолы қатты уайымдадым. Жарыс алдында біз күн сайын жаттығып жүрдік, менің барлық достарым жүлделі орындарға ие болғысы келді. Мейіржан екеуміз «алтын» жеңіп алғанымызға өте қуаныштымын. Басқа достарым үшін де өте қуаныштымын – олар қола медаль алды», – дейді Диас Қадыр.

Балаларды жарыстарға сенсей, сүйікті жаттықтырушы, көп жылдан бері «ерекше» балалармен жұмыс істеп келе жатқан Жәңгір Жұмабеков дайындады.

«Тең мүмкіндіктер әлемі» ҚҚ басшысы Нұргүл Үлжекованың айтуынша, жарысқа қатысу балалардың спорттық көкжиегін кеңейтіп, баға жетпес тәжірибе алуға мүмкіндік берді.

«Олар үшін әрбір жарыс – бұл өз-өзін жеңу, шексіз мүмкіндіктерін көрсету мүмкіндігі және өзінің спорттық шеберлікке деген ұмтылысында дені сау құрдастарынан қалмау. Мүгедек балалардың спорттағы мұндай жетістіктері басқа балалар үшін жақсы үлгі болады деп сенемін. Өйткені, спорт адам өмірінің барлық саласын қамтитын үздіксіз оңалтудың ең тиімді құралы бола алады», – деп атап өтті Нұргүл Ұлжекова.

Айта кетейік, «Жас дарындар» жобасы дарынды балаларға республикалық және халықаралық жарыстарға, байқауларға, олимпиадаларға қатысу үшін жол жүру гранттарын ұсынады. Жол жүру грантын алуға өтінімді 18 жасқа дейінгі балалардың ата-аналары немесе қамқоршылары, балалар ұжымдарының, әлеуметтік мекемелердің басшылары бере алады.

Ақпарат көзі: «Samruk-Kazyna Trust» қоры

Хабар 24 телеарнасы