Криштиану Роналду «Реалға» оралуы мүмкін

«Ювентус» Чемпиондар лигасынан «ұшып» кеткеннен кейін португалиялық шабуылшы Криштиану Роналдудың «Реал Мадридке» оралатыны туралы қауесет тарады, деп хабарлайды Prosports.kz

El Chiringuito TV тележүргізушісі Хосеп Педрерол «Реал» президенті Флорентино Перестен ақпар алғанын мәлімдеді.

«Агент Жорже Мендеш бейресми түрде «Реал» өкілдерімен Роналудың оралуы туралы сөйлесті», - деді журналист.

«Ювентус» Чемпиондар лигасының 1/8 финалында «Портуға» жол берген еді. Ал «Реал» алғашқы матчында «Аталантаны» 1:0 есебімен жеңді, қарымта ойын 16 наурызға жоспарланған.