433,15 516.00 5.62
+7 (7172) 757 485 24kz@khabar.kz
ҚАЗ

Еліміздің ерлер құрамасы стенд атудан әлем кубогінде қола жүлдегер атанды

  • 313
  • UPD: 13:40, 23.03.2021
Еліміздің ерлер құрамасы стенд атудан әлем кубогінде қола жүлдегер атанды

Қазақстан ерлер командасы Нью-Делидегі нысана көздеуден әлем кубогі кезеңінде үшінші орынға ие болды, деп хабарлайды Olympic.kz.

Отандық спортшылар «скит» санаты бойынша үздіктер қатарынан көрінді.

Давид Почивалов, Эдуард Ещенко және Александр Мухамедиевтен құралған ерлер құрамасы қола жүлдені жеңіп алды.

Аталған санат бойынша бірінші орынды Үндістан құрамасы иеленді. Катар спортшылары екінші орынға жайғасты.

Айта кетерлігі, Қазақстан әйелдер құрамасы осы санат бойынша жеңімпаз атанса, ал Зоя Кравченко жекелей сында күміс медальна ие болған болатын.

Хабар 24 телеарнасы