22 нокауты бар чемпион Геннадий Головкинмен үш титул үшін жұдырықтаспақ

Орта салмақта WBC чемпионы американдық Джермалл Чарло (31-0-0, 22 KO) осы дивизионда IBF және IBO титулдарына ие қазақстандық Геннадий Головкинмен (41-1-1, 36 KO) жекпе-жек ұйымдастыруға күш салып жатқанын мәлімдеді.

«Бірінші болып айтайын, Головкинмен жекпе-жек ұйымдастыруға тырысып жатырмын. Осыған күш салдым. Бұл мүмкіндік менің «Канеломен» айқасу ықтималдылығымды арттырады. Альвареспен екі дивизионда қатар болдық, енді тағы бірінде кезігеміз – екінші ортада. Бірақ оның лагері менімен жекпе-жекке тырыспады, мені айқасқа шақырған жоқ, қоңырау шалмады. Ешқандай келіссөзге дейін барған емес», – дейді Чарло Boxingnews24.com порталына берген сұхбатында.