429,33 519.25 5.73
+7 (7172) 757 485 24kz@khabar.kz
ҚАЗ

Макгрегор – Порье трилогиясы ресми түрде хабарланды

  • 120
  • UPD: 12:27, 15.04.2021
Макгрегор – Порье трилогиясы ресми түрде хабарланды twitter.com

UFC басшысы Дана Уайт ирландиялық Конор Макгрегор мен американдық Дастин Порье жекпе-жегін ресми түрде жария етті, деп хабарлайды Prosports.kz.

Еске салайық, Дастин Порье twitter-де жанжалдасқаннан кейін Конор үшінші жекпе-жек өтпейтінін мәлімдеген еді. Спортшылардың жанжалдасуына Порьенің қайырымдылық қоры себеп болған: Дастин Конорды алдады деп айыптаса, ирландиялық файтер американдықты қаржылық күдікті адам деп меңзеген. 

Екі салмақ дәрежесінде UFC экс-чемпионы шілдеде Лас-Вегаста өтетін жекпе-жегіне басқа қарсылас іздей бастаған, Порьенің орнына шығуға файтерлер де табылған. Екі күн өткен соң UFC басшысы бұл жанжалдың нүктесін қойды. 

Макгрегор мен Порье арасындағы үшінші жекпе-жек 10 шілдеде Лас-Вегаста UFC 264 турнирінде өтеді.

Айта кетейік, жартылай жеңіл салмақтағы алғашқы кездесу 2014 жылы өткен, сол кезде Макгрегор Порьені алғашқы минуттарда нокаутқа түсірген болатын. Ал былтыр қаңтарда Әбу-Дабидегі UFC 257 турнирінде реванш жеңіл салмақта өтіп, америкалық файтер Конорды екінші раундта техникалық нокаутпен жеңген болатын. 

Хабар 24 телеарнасы