Токиода суға секіруден лицензиялық әлем кубогі басталады
1 мамыр күні Токиода суға секіруден FINA әлем кубогі басталады.
Дүбірлі додада Олимпиада ойындарының жолдамасы да сарапқа салынады, деп хабарлады Olympic.kz.
Турнирге әлемнің 48 мемлекетінен 251 спортшы қатысады деп жоспарлануда. Спортшылар 3 метрлік трамплин мен 10 метрлік мұнарадан секіруден өзара жеңімпаздарды анықтайды. Жарыс жекелей және жұптық сын бойынша өтеді. Одан бөлек, 6 мамырға дейін жалғасатын жарыс Токио Олимпиадасының лицензияларын да үлестіреді.
Суға секіруден әлем кубогінде Қазақстан атынан Елизавета Борова сынға түседі.