Таеквондошылар лицензиялық турнирге дайындалып жатыр

Таеквондодан Қазақстан ұлттық құрама командасы Ташкент қаласында Олимпиадаға лицензиялық турнирге дайындалып жатыр, деп хабарлады Olympic.kz.

Өзбекстан жерінде ел құрама сапынан сегіз спортшы бірлескен оқу-жаттығу жиынына қатысып, шеберліктерін шыңдап жатыр. Елдос Ысқақ (58 кг), Елдар Бірімбай (63 кг), Ерасыл Қайырбек (68 кг), Қайрат Сарымсақов (74 кг), Рахым Әділханов (80 кг), Руслан Жапаров (+87 кг), Фариза Алдоңғарова (53 кг) мен Жансель Дениз (73 кг) 18 мамырға дейін жаттығады.

Ұлттық құрама жаттығу жиындары аяқталғаннан кейін Иорданияның Амман қаласында Олимпиада іріктеу турниріне аттанады. 21-22 мамыр күндері өтетін жауапты додаға Фариза Алдоңғарова, Жансель Дениз, Қайрат Сарымсақов пен Руслан Жапаров қатысады.