Волейболдан V жастар ойынының жеңімпаздары анықталды

3-10 мамыр күндері Оралда волейболдан V жастар спорттық ойындары өтті, деп хабарлайды Olympic.kz.

Аталған республикалық біріншілікке ел ішінен барлығы 17 команда қатысты. Жарыс нәтижесі бойынша Павлодар облысының құрама командасы жастар ойынында топ жарып, жеңімпаз атанды. Екінші орынға Солтүстік Қазақстан облысының құрамасы ие болса, Қостанай облысы үздік үштікті қорытындылады.  Айта кетерлігі, Оралдағы V жастар ойыны қыздар арасында өтті.