Бүгін хоккейден Қазақстан құрамасы 2021 жылғы әлем чемпионаты аясындағы алғашқы кездесуін турнир қожайыны Латвияға қарсы өткізеді, деп жазады Prosports.kz.
Әлем чемпионатына 16 команда қатысады. Олар: Қазақстан, Ресей, Швеция, Чехия, Швейцария, Словакия, Дания, Беларусь, Ұлыбритания, Канада, Финляндия, АҚШ, Германия, Латвия, Норвегия, Италия. Топта бірінші-төртінші орын алған командалар плей-офф кезеңіне өтеді.
Айта кетейік, Қазақстан құрамасы элиталық топқа бес жылдан кейін қайта оралды.
Алғашқы ойында Юрий Михайлис шәкірттері Латвия құрамасына қарсы ойнайды. Ойын Нұр-Сұлтан уақытымен 23:15-те басталады.