Мәнерлеп сырғанаудан 2024 жылғы әлем чемпионатын өткізетін қала анықталды

Халықаралық конькимен жүгірушілер федерациясы мәнерлеп сырғанаудан 2024 жылғы әлем чемпионаты өтетін қаланы анықтады, деп жазады Olympic.kz. 

Мәнерлеп сырғанаушылар додасын Канаданың Монреаль қаласы қабылдайды. Турнир 18-24 наурыз аралығында өтеді. 

Айта кетелік, биылғы әлем біріншілігі Стокгольм қаласында өтсе, 2022 жылғы доданы Францияның Монполье, 2023 жылғы жарысты Жапонияның Сайтама қаласы ұйымдастырады.