425,82 518.00 5.93
+7 (7172) 757 485 24kz@khabar.kz
ҚАЗ

ҚР су спорты түрлері федерациясының өкілі А.Крюков FINA бюросына қайта сайланды

  • 103
  • UPD: 23:22, 05.06.2021
ҚР су спорты түрлері федерациясының өкілі А.Крюков FINA бюросына қайта сайланды

Қазақстан Республикасы су спорты түрлері федерациясының президенті Андрей Крюков Халықаралық жүзу федерациясының басқарушы органы – FINA атқарушы комитетінің бюросының құрамына үшінші рет сайланды деп хабарлайды Olympic.kz. 

Крюковтың кандидатурасына 316 делегат дауыс берді. Крюков 2013 жылдан бері бюро мүшелігіне енген. 2017 жылы ол әлемдік су добының басшысы қызметіне тағайындалып, ең қысқа мерзімде олимпиада бағдарламасына енетін аталған спорт түріне үлкен реформа жүргізді.

Бюродағы өкілеттік 2025 жылға дейін жалғасады. 

Андрей Крюков – Қазақстан ҰОК бас хатшысы 2013 жылдан бері FINA бюросында Азия құрлығының атынан қызмет етеді. Сондай-ақ ол 2006 жылдан бері Азия жүзу федерациясының AASF вице-президенті. Басқа да спорттық федерациялардың, атап айтқанда, Азия Олимпиада кеңесінің (АОК), Бүкіләлемдік допингке қарсы агенттіктің (WADA), Ұлттық Олимпиадалық Комитеттер Қауымдастығының (ҰОКҚ) құрамына енді.

Хабар 24 телеарнасы