424,51 504.55 5.79
+7 (7172) 757 485 24kz@khabar.kz
ҚАЗ

Токио Олимпиадасына мүлде ешбір көрермен кіргізілмейтін болды

  • 218
  • UPD: 23:17, 08.07.2021
Токио Олимпиадасына мүлде ешбір көрермен кіргізілмейтін болды

Жапония үкіметі Токиода 12 шілдеден бастап 22 тамызға дейін төтенше жағдай режимін енгізді.

Бұл ковид-19 індеті таралғалы осы елде жарияланған төртінші төтенше жағдай.

Жапония үкіметінің мәлімдеуінше, қалада коронавирус жұқтырғандар саны еселеп артқан. Арасында дельта штамына шалдыққандар көп. Токиода 920 адам ковидпен ауырған. Төтенше жағдай режимі 23 шілдеден 8 тамызға дейін Токиода өтетін Жазғы Олимпиада ойындары кезінде де сақталады. Сондықтан ойындар жергілікті көрерменсіз өтеді. Бұл туралы Олимпиада ойындарын өткізуге жауапты министр Тамаё Марукава мәлімдеді. Бұған дейін шетелдік көрермендердің келуіне тыйым салынған болатын.

Хабар 24 телеарнасы