Путинцева Будапешттегі WTA турнирінің екінші айналымына шықты

Қазақстандық теннисші Юлия Путинцева Будапешттегі WTA сериялы турнирінің екінші айналымына жолдама алды, деп хабарлайды Prosports.kz.

1/16 финалда ол Грузия өкілі Екатерина Горгодзені жеңді.

Кездесу 6:2, 6:4 есебімен Юлияның пайдасына аяқталды.

Матч 1 сағат 36 минутқа созылды. Путинцева 1 эйс жасады.

Турнирдің 1/4 финалына шығу үшін Путинцева Хорватия спортшысы Ана Конухпен шеберлік сынасады.