425,85 504.32 5.81
+7 (7172) 757 485 24kz@khabar.kz

Елена Рыбакина Цинциннати турнирінің үшінші айналымына шықты

  • 103
  • UPD: 20:49, 19.08.2021
Елена Рыбакина Цинциннати турнирінің үшінші айналымына шықты Olympic.kz

Қазақстанның бірінші, әлемнің 19-ракеткасы Елена Рыбакина Цинциннати WTA 1000 турнирінің үшінші айналымына шықты, деп хабарлайды Olympic.kz.

Елена Рыбакина екінші айналымда әлемнің 16-ыншы, осы айтулы доданың 15-ракеткасы, бельгиялық Элиза Мертенспен кортқа шықты. Қазақстандық теннисші екі сетте 6:3, 6:2 есебімен жеңіске жетті. 1 сағат 15 минутқа созылған матчта қарсыластар 4 реттен эйс жасады. Елена Рыбакина 7 брейк-пойнттың үшеуін пайдаланды. Ал Э.Мертенс сондай екі мүмкіндікті мүлт жіберді. Елена Рыбакина ширек финалға шығу үшін әлемнің 3-ракеткасы, Беларусь өкілі Арина Соболенко немесе рейтингте 31-сатыда тұрған испаниялық Паула Бадосаның біреуімен таласады.

Ал Қазақстанның бірінші, әлемнің 38-ракеткасы Александр Бублик Цинциннатиде ерлер арасында өтіп жатқан мастерс турнирінің екінші айналымынан аса алмады. Ол әлемнің 21-ракеткасы, болгариялық Григор Димитровқа 3:6, 5:7 есебімен есе жіберді. 1 сағат 23 минутқа созылған бәсекеде Димитров 8 эйс жасап, 9 брейк-пойнттың үшеуін өз есебіне жазды. Бублик 9 эйс, 1 брейкке қол жеткізді.

Хабар 24 телеарнасы