425,30 504.32 5.86
+7 (7172) 757 485 24kz@khabar.kz

Қарағанды алғаш рет үстел теннисінен рейтингілік турнирді қабылдайды

  • 102
  • UPD: 11:06, 14.09.2021
Қарағанды алғаш рет үстел теннисінен рейтингілік турнирді қабылдайды

Байрақты бәсеке ертең басталады. Жарысқа Австрия, Үндістан, Ресей, Беларусь және Сауд Арабиясының спортшылары қатысады. Бұған қоса, көрші Өзбекстан мен Қырғызстанның құрамалары да бар. Үздік атанғандарға әлемдік рейтингтің ұпайлары беріледі.

Айта кету керек, бұл ТМД төңірегінде осындай деңгейдегі биылдыққа жалғыз жарыс. Спортшылар 5 күн бойы өзара мықтыны анықтайды. Ал жарыстың жалпы жүлде қоры 30 мың АҚШ долларын құрайды. Халықаралық жарыс былтыр ғана қолданысқа берілген «Сарыарқа» теннис орталығында өтеді. 

Қоржынға қос алтын түсті. Шымкентте оқ атудан Азия чемпионаты жалғасып жатыр. Жарыстың алғашқы күні қазақстандық Елдар Иманқұлов жекелей сында топ жарды. Ол пневматикалық тапаншамен 10 метрден ату бәсекесінде алдына жан салмады. Артынша жерлестеріміз командалық сында да жеңімпаз атанды. Бұл жолы ел намысын Елдар Иманқұлов, Владимир Исаченко және Валерий Рақымжан үштігі қорғаған. Екінші орын Сауд Арабиясы құрамасына бұйырды. Үздік үштікті Қырғызстан спортшылары түйіндеді. Бұған қоса пневматикалық мылтықпен атудан бір қола жүлдеміз бар. Оны микс бәсекесінде Елизавета Безрукова мен Ислам Усейнов жұбы әкелді. Шымкенттегі дода 20 қыркүйекке дейін жалғасады.

Елдар Иманқұлов, Азия чемпионы:

- Біз күні кеше ТМД елдерінің ойындарынан оралдық. Ә дегеннен Азия чемпионатына араласу оңай болған жоқ. Соған қарамастан жақсы өнер көрсеттім. Құрлықтық додада алғаш рет топ жарып тұрмын. Сондықтан бұл кәсіпқой мансабымдағы ең басты жеңіс саналады. Қарсыластарымның бәрі мықты. Мен олардың арасында ең жас қатысушымын.

Хабар 24 телеарнасы