Қазақстанның үстел теннисшілері Катардағы Азия чемпионатында бақ сынайды

28 қыркүйек пен 5 қазан аралығында Дохада (Катар) үстел теннисінен XXV-ші Азия чемпионаты өтеді, деп хабарлайды «Хабар 24».

Жеке, жұптық және аралас разрядтарда 115 спортшы ерлер мен 75 спортшы әйелдер өнер көрсетеді, ал командалық Кубок үшін 28 ерлер, 18 әйелдер құрамасы күреседі.

Қазақстан атынан негізгі құрлықтық турнирде Кирилл Герасименко, Алан Құрманғалиев, Айдос Кенжеғұлов, Ырысбек Артұқметов, Сарвиноз Мирқадірова, Анастасия Лаврова, Зәуреш Ақашева (суретте), Анель Бақыт өнер көрсетеді.