433,56 492.25 5.92
+7 (7172) 757 485 24kz@khabar.kz

Еуропа чемпионы Головкинді жекпе-жекке шақырды

  • 129
  • UPD: 20:51, 09.11.2021
Еуропа чемпионы Головкинді жекпе-жекке шақырды

Орта салмақта EBU тұжырымы бойынша Еуропа чемпионы италиялық боксшы Маттео Синьяни (31-5-3, 11 КО) осы салмақта IBF және IBO белбеулерінің иегері қазақстандық Геннадий Головкинмен (41-1-1, 36 КО) жекпе-жек өткізуге ниетті екен, деп хабарлайды «Хабар 24» Vesti.kz сайтына сілтеме жасап.

5 қараша күні Рим (Италия) қаласында Синьяни белбеуін сәтті қорғады. Ол испаниялық Рубен Диасқа қарсы кездесу өткізіп, ұпаймен жеңіске жетті. 

«Бірнеше күн бүрын Синьяни орта салмақта IBF және IBO белбеулерінің иегері Геннадий Головкинмен кездескісі келетінін айтты. Егер Авни Йылдырым «Канело» Альваресқа қарсы жекпе-жеккке қол жеткізсе, италиялық та Головкинмен кездесуі әбден мүмкін», - деп жазады WorldBoxingNews.net порталы. 

Еске салайық, Головкиннің келесі кездесуі белгіленіп қойған. Отандасымыз желтоқсан айына Жапонияда WBA ұйымының «суперчемпионы» Риото Муратамен кездеседі. 

Хабар 24 телеарнасы