430,43 492.25 5.92
+7 (7172) 757 485 24kz@khabar.kz

Қазақстандық теннисші Даниал Рахматуллаев ITF сериясы турнирінің абсолютті чемпионы

  • 86
  • UPD: 12:35, 14.11.2021
Қазақстандық теннисші Даниал Рахматуллаев ITF сериясы турнирінің абсолютті чемпионы inform.kz

Біріккен Араб Әмірліктерінде өткен ITF сериясы турнирінде қазақстандық теннисші Даниал Рахматуллаев абсолютті чемпион атанды, деп хабарлайды ҚазАқпарат.

Қазақстанның Теннис федерациясының мәліметінше, Ақтау қаласындағы теннис мектебінің 15 жасар тәрбиеленушісі ITF жасөспірімдер рейтингісінде 755 орында тұрған Д.Рахматуллаев Фуджейрада өткен «6th West Asia Fujairah Cup» халықаралық жарысының абсолютті жеңімпазы атанды. Жеке разрядтағы ақтық сайыста Даниал жарыстың сегізінші ракеткасы, ресейлік Макар Елесинді 6:3, 6:4 ұпайымен ұтты. Ресей спортшысы Тимофей Дерепаскомен өткен жұптық дисциплинада Рахматуллаев титулды күрессіз жеңіп алған. Шешуші ойында олардың қарсыластары ойыншылардың бірінің жарақаттануы себебімен кортқа шыққан жоқ. Осылайша, Даниал ITF Junior серия жарыстарында жеке разряд бойынша бірінші титулына және жұптық разрядтағы екінші жеңісіне қол жеткізді.

Хабар 24 телеарнасы