430,43 492.25 5.92
+7 (7172) 757 485 24kz@khabar.kz

Қазақстандық спортшы Мәскеуде қоян-қолтық ұрыстан әлем чемпионы атанды

  • 129
  • UPD: 19:21, 14.11.2021
Қазақстандық спортшы Мәскеуде қоян-қолтық ұрыстан әлем чемпионы атанды

2021 жылғы қараша айының 11-13 аралығында Мәскеу қаласындағы Ирина Винер-Усманованың гимнастика сарайында қоян-қолтық ұрыстан әлем кубогі өтті. Аталған жарысқа әлемнің 30 елінен 300-ден астам спортшы қатысты. Жарыс бағдарламасына «жекпе-жек» және «өзін-өзі қорғау» дисциплиналары кірді. Ақтық жарыстар осы сенбіде өтті, деп хабарладыҚР Ұлттық ұлан гвардиясының баспасөз қызметіне сілтеме жасаған ҚазАқпарат.

Аталған жарысқа сондай-ақ Қазақстан Республикасының спортшылары қатысты. Қазақстанның қоян-қолтық ұрыстан Ұлттық құрамасының құрамында Ұлттық гвардия Әскери институтының 4-курс курсанты Арапбай Сауран қатысты.

Әскери институт курсанты әділ және табанды жарыста спорттық шеберліктің жоғарғы деңгейін көрсетіп, Үндістан, Иран, Ресей және Өзбекстан спортшыларын жеңіп шықты. Жарыс қорытындылары бойынша 65 келіге дейінгі салмақ дәрежесінде Әскери институт курсанты Арапбай Сауран халықаралық кластағы спорт шеберінің нормативін орындап, қол жұмсайтын жекпе-жектен әлем кубогының чемпионы атанды. Қол жұмсайтын жекпе-жек бойынша әлем кубогі Ресей елінде алғаш рет өткізілді. Ұйымның мақсаты жауынгерлік өнердің бұл түрін әйгілендіру, сондай-ақ дисциплинаны олимпиада бағдарламасына қосу.

Хабар 24 телеарнасы