433,56 492.25 5.92
+7 (7172) 757 485 24kz@khabar.kz

Каратэшілер С.Берульцева мен Н.Әжіқанов әлем чемпионатының қола жүлдегері атанды

  • 95
  • UPD: 17:29, 20.11.2021
Каратэшілер С.Берульцева мен Н.Әжіқанов әлем чемпионатының қола жүлдегері атанды

Біріккен Араб Әмірліктерінің Дубай қаласында каратэден әлем чемпионаты өтіп жатыр. Қазақстандық төрт спортшы жүлдеге таласып, екеуі жүлдегер атанды деп хабарлайды Olympic.kz.

Токио Олимпиадасының қола жүлдегері Софья Берульцева 68 келіге дейінгі салмақта әлем біріншілігінің қола жүлдегері атанды. Үшінші орын үшін өткен кездесуде Берульцева сербиялық Ивана Перовичтен басым түсті. 

75 келіге дейінгі салмақта сынға түскен Нұрқанат Әжіқанов қола медаль үшін өткен жекпе-жекте бельгиялық қарсыласын жеңіп, әлем үздіктерінің қатарына енді. Бұл 20 жастағы спортшының ересектер арасындағы ең үлкен жетістігі.

Өкінішке орай, 50 келіге дейінгі салмақта бақ сынаған Мөлдір Жаңбырбай украиналық спортшыдан, 60 келіге дейінгі салмақта ел намысын қорғаған Қайсар Алпысбай марокколық қарсыласынан жеңіліп, төртінші орын алды.

Ертең Қазақстан ерлер командасы қола жүлдеге таласады.

Хабар 24 телеарнасы