Венгрияның Дебрецен қаласында өтіп жатқан шорт-тректен әлем кубогінде қазақстандық спортшылар әзірге жүлдеге іліккен жоқ деп хабарлайды Olympic.kz.
500 метрге жарысудан ең үздік нәтижені Денис Никиша тіркеді. Ол 7-орын иеленген. Осы қашықтықта Әділ Ғалиахметов 10-шы, Абзал Әжіғалиев 23-орын алды.
1500 метрге жарысуда Әділ Ғалиахметов 23-ші, Еркебұлан Шамұханов 25-орыннан көрінді.
Командалық эстафетада Қазақстан 9-орынды қанағат тұтқан.
Әйелдер арасында 500 метрге жүгіруден сынға түскен Яна Хан 41-ші, Алена Волковицкая 47-ші, Әсел Тайшыманова 50-орын алған.
1500 метрге жарысудан Ольга Тихонова 25-ші, Мадина Жанбосынова 38-орынға табан тіреді.