434,34 494,00 5,52
+7 (7172) 757 485 24kz@khabar.kz

Анна Данилина Сидней турнирінің финалына шықты

  • 130
  • UPD: 15:55, 14.01.2022
Анна Данилина Сидней турнирінің финалына шықты Olympic.kz

Қазақстандық Анна Данилина жұптық сында Сидней WTA 500 турнирінің финалына шықты, деп хабарлайды Olympic.kz.

Данилина бразилиялық Беатрис Хаддад Майямен бірге жартылай финалда жарыстың 2-ракеткалары, жапониялықтар Сюко Аяома – Ена Шибахарамен шеберлік байқасты. Бірінші партияда жетінші геймде Анна мен Беатрис брейк жасап, сол басымдылықты сақтап қалды – 6:4.

Екінші сетте тай-брейкте жапониялықтар әбжілдік танытты – 7:6 (7:2). Супер тай-брейкте қазақстандық-бразилиялық жұп 5:2 есебімен алда тұрғанымен, қарсыластарының таразы басын теңестіруіне жол берді. Дегенмен сосын екі мини-брейк жасап, жеңісті жұлып алды – 10:6. Анна мен Беатрис финалда германиялық Вивиан Хайзен – мажарстандық Панна Удвардимен бас жүлдені сарапқа салады.

Хабар 24 телеарнасы