Қазақстандық спортшылар Таллиндегі «Төрт құрлық чемпионатына» қатысады

Бүгін Таллинде (Эстония) мәнерлеп сырғанаудан «Төрт құрлық чемпионаты» басталады. Америка, Азия, Африка мен Океания үздіктерінің басын қосатын сынға қазақстандықтар да қатысады, деп хабарлайды Olympic.kz. 

Турнирге 15 мемлекеттен жүзден аса спортшы қатысады деп күтілуде. Аталған бәсеке 1999 жылдан бері өткізіліп келеді. Жарыстың басты мақсаты – Еуропаға жатпайтын мемлекеттерде мәнерлеп сырғанау деңгейін көтеру. 

Биыл Қазақстан намысын ерлер арасындағы жекелей сында Михаил Шайдоров пен Дияс Жирентаев қорғайды.

Айта кетелік, «Төрт құрлық чемпионатында» қазақстандықтар бұған дейін екі рет тұғырға көтерілді. 2015 жылы Сеулде өткен турнирде Денис Тен алтын медаль иеленсе, 2019 жылы Анайхаймдағы бәсекеде Элизабет Тұрсынбаева күміс жүлдеге қол жеткізді. 

Таллиндегі турнир 23 қаңтарға дейін жалғасады.